الرئيسية / الأخبار / من ديوان / كلام منقوش …دنيا دواره

من ديوان / كلام منقوش …دنيا دواره

بقلم : الشاعرة أميمة المعداوى

…دنيا دواره

…دار الزمان حوالينا ،
شوف مين هيبكى علينا………والدنيا دواره

…واحد يصاحب فيك
والتانى يجرح فيك….فاكرينها دى شطاره

…مسكين بيطمع فيك
وكبير ماهوش مديك……معرفته بخساره

…واتعدى ع اللى ما كان
لا وظيفه أو عنوان……..وراكب لى طياره

…وتشوف زمن حكايات
الكل تعلب فات……………….يوعظ بزماره

…قلعوا اوام توبهم
واداروا فى عيوبهم……….والهيبه جباره

…دنيا ومقلوبه، احوالها أعجوبه
واللى ماكان له أصل..يسكن لى فى عماره

…وابن الأصول نسيوه
نسيوا خيلانه وابوه…..واهى دنيا دواره

عن mg

شاهد أيضاً

الأسعار الجديدة لتذاكر قطارات السكة الحديد في الوجهين القبلي والبحري

كتب : ثروت عربان ، المزمع تطبيقها بداية فبراير المقبل قبل اعتمادها نهائياً من مجلس …

اترك تعليقاً