الرئيسية / الأخبار / من ديوان / ساعات السفر ..ضلى الغريب

من ديوان / ساعات السفر ..ضلى الغريب

بقلم : الشاعرة أميمة المعداوى

..ضلى الغريب

…على كيف هواك
اهجر وخليك ع العناد
…فيه ناس سواك
تتمنى منى ف الوداد
…دا انا من قساوتك
ماافتكرتش غير جفاك
…وحياة غلاوتك
م النهارده نسيت هواك
…بس اما اجى لك
ف المنام او تفتكرنى
…راح اسيب لك النار
والأهات وانت هاجرنى
…وابقى لك الحلم اللى فات
وتعيش هوايا ذكريات
..تندم عليه وتبكى
و لا اصدق كلامك
…تترجى فيه وقلبى
مش حاسس غرامك
…وتقولى سامحينى بقى
يمكن يقربنا اللقى
..وتيجينى تحكى لى ظروفك
والقانى مش عايزه اشوفك
…وأقولك أبعد عنى
ياضلى الغريب
… دا انا كنت غلطانه
افتكرتك يوم حبيب.

عن mg

شاهد أيضاً

الأسعار الجديدة لتذاكر قطارات السكة الحديد في الوجهين القبلي والبحري

كتب : ثروت عربان ، المزمع تطبيقها بداية فبراير المقبل قبل اعتمادها نهائياً من مجلس …

اترك تعليقاً